UZCARDda tanlov saralovidan muvaffaqiyatli o‘tgan yosh mutaxassislar uchun amaliyotning yangi bosqichi yo‘lga qo‘yildi. Dastur ishtirokchilari o‘quv mashg‘ulotlaridan o‘tish bilan birga, moliya sohasidagi kasbiy ko‘nikmalarni rivojlantirishga qaratilgan maxsus treninglardan ham foydalanish imkoniyatiga ega bo‘ladilar.
Amaliyot 3 oydan 6 oygacha davom etadi va nazariy ta’lim bilan bir qatorda zamonaviy texnologiyalar bilan ishlashda amaliy tajriba orttirish imkonini beradigan qismni ham o‘z ichiga oladi. Har bir amaliyotchiga ta’lim jarayonida qo‘llab-quvvatlaydigan va kasbiy rivojlanishiga ko‘maklashadigan ustoz biriktiriladi.
Amaliyotdan so‘ng eng yaxshi ishtirokchilarga kompaniyada ish taklif etiladi, bu esa fintech sohasida kelajakdagi karyera o‘sishi uchun ajoyib imkoniyat hisoblanadi.
«Biz ishonamizki, amaliyot fintech sohasida o‘sishni xohlaydigan yosh mutaxassislar uchun yangi ufqlarni ochadi. Bu nafaqat ishtirokchilar uchun qimmatbaho tajriba orttirish imkoniyati, balki jamoamizning bir qismiga aylanish imkoniyati hamdir,» – deya fikr bildirdi UZCARD kompaniyasining iste’dodlarni jalb qilish va rivojlantirish bo‘yicha menejeri Kamila Kulmatova.