Raqamli to‘lov yechimlarining rivojlanishi hamda iste’molchilarning odatlari o‘zgarib borishi zamirida, kichik biznes yangi to‘lov usullaridan, jumladan QR-to‘lovlardan faol foydalanmoqda. Bozorda shakllanayotgan ushbu tendensiyalarni inobatga olgan holda, UZCARD texnik hamkori “MayaSoft” bilan hamkorlikda “Marta Terminal” SoftPOS-terminallari* bazasida Tez QR orqali to‘lovlarni qabul qilishni yo‘lga qo‘ydi.
SoftPOS yechimlarida Tez QR orqali to‘lov qilish xaridorlar va merchantlar uchun qulay va odatiy jarayonni taklif etadi.
To‘lovni amalga oshirishda merchant mahsulotni tanlab, “Xarid” tugmasini bosadi va QR-kodni xaridorga ko‘rsatadi. Xaridor esa QR-kodni istalgan qulay to‘lov ilovasi orqali skaner qiladi.
Xaridor 26 ta mavjud bank hamkorlari ilovalaridan birini tanlab, xaridni UZCARD kartasi bilan amalga oshirishi mumkin, shuningdek, HUMO, Visa, elektron hamyonlar va boshqa to‘lov usullari orqali ham — qo‘llab-quvvatlanadigan ilovalarda.
Tez QR to‘lov jarayonini nafaqat xaridorlar uchun qulay qiladi, balki kichik biznesga to‘lov uskunalari uchun katta xarajatlarni kamaytirib faoliyat samaradorligini oshirishga yordam beradi.
Hozirgi kunda Tez QR orqali to‘lov barcha SoftPOS-terminalarda mavjud. Shu bilan birga, Tez QR texnologiyasining universalligi uni turli SoftPOS-yechimlarida qo‘llash imkonini beradi.
Xizmat va bank hamkorlari haqida batafsil ma’lumot.
*SoftPOS — bu “telefon ichidagi terminal” yechimi bo‘lib, Android operatsion tizimidagi smartfonlarda ishlaydi va kartalar orqali hamda Tez QR orqali to‘lovlarni qabul qilishni qo‘llab-quvvatlaydi.