«Yagona umumrespublika protsessing markazi» MChJ vakillari joriy yilning 14-sentyabrь kuni Tojikiston Respublikasining Dushanbe shahriga ish safari uyushtirib, uning doirasida «Spitamen Bank» YoAJ bilan Hamkorlik shartnomasini imzoladi.
Bitimning predmeti ishonchli, xavfsiz va uzluksiz xalqaro o‘tkazmalarni ta’minlash, naqd pulsiz to‘lovlarni rivojlantirish bo‘yicha loyihalarini amalga oshirish, shuningdek hamkorlikdagi marketing faolliklarni rivojlantirish uchun qulay iqtisodiy sharoitlar yaratish maqsadida Bank va UZCARD to‘lov tizimining hamkorligini rivojlantirish bo‘ldi. Hujjat nafaqat «Spitamen Bank» YoAJ va «YaUPM» MChJ bilan strategik hamkorlik sohasidagi, balki ikki qardosh mamlakat o‘rtasidagi iliq munosabatlarni mustahkamlashda katta qadam bo‘ldi.
UZCARD nomidan Bosh direktorning tijorat masalalari bo‘yicha birinchi o‘rinbosari Xamidullina Lilya va Marketing va PR boshqarmasi boshlig‘i Muxamedov Sobirjon qatnashdilar. Uchrashuvda bank tomonidan Boshqaruv Raisining birinchi o‘rinbosari Xikmatov Umedjon Safaraliyevich, bank kartalari departamenti boshlig‘i Isxakov Dilshod va marketing va biznesni rivojlantirish boshqarmasi boshlig‘i Tuxtanazarova Xosiyatxon ishtirok etdilar. O‘zbekistondan tashrif buyurgan ishchi delegatsiya tarkibida shuningdek Plum Technologies direktori Xidoyatov Erkin Askarovich va Xalqaro o‘tkazmalar va xalqaro loyihalar departamenti boshlig‘i Yakushev Emilь Narimanovich ishtirok etdilar.
Yaqin vaqt ichida Spitamen Pay ilovasi foydalanuvchilarida UZCARD kartalarini bankning mobilь ilovasiga bog‘lash va pul mablag‘larini o‘tkazish imkoniyati paydo bo‘ladi.
Bitimni imzolash marosimida Xamidullina Lilya quyidagilarni qayd etdi: «Spitamen Pay ilovasida yordamida O‘zbekistondan Tojikistonga va aksincha pul mablag‘larini o‘tkazishlarda mijozlarimizning qulayligi yaqin kelajakda tashkilotlarimiz muvaffaqiyatli rivojlanishining garovi hisoblanadi va biz bu masalaga juda jiddiy yondashamiz. Biz mas’uliyatli ishi, hamkorlikdagi masalalarni hal qilishda namoyon etgan faolligi va tezkorligi uchun Spitamen Bankdagi hamkasblarimizning professionalligini yuqori baholaymiz. Biz uchun moslashuvchanlik, tezlik muhim va biz hamma vaqt eng yaxshilarini tanlaymiz. Biz bugun Sizning bankingiz bilan Bitim imzolayotganimizdan xursandmiz».
Uchrashuv oxiriga kelib tomonlar hamkorlikning marketing qismini va takliflarni rivojlantirish masalalarini, shuningdek, ham Bank tomonidan, ham UZCARD kartalari egalari uchun mijozlarning manfaatlari yo‘lidagi maxsus takliflarni muhokama qildilar.
«Bugun biz UZCARD dagi hamkorlarimiz bilan uzoq muddatli va istiqbolli munosabatlarni rivojlantirish yo‘lida muhim qadamni tashladik. Bitim o‘zaro hamkorlik doirasini ancha kengaytiradi va mijozlarimizning sifatli bank instrumentlariga bo‘lgan ehtiyojlarini qondirish imkonini beradi»— deb qayd etdi Hikmatov Umedjon.
«Spitamen Bank» — YoAJ ishonchli, innovatsion va uyg‘un rivojlanib borayotgan, 2008 yildan har bir mijoz uchun eng maqbul moliyaviy yechimlarni taqdim etayotgan bank. Bank halollik, to‘g‘rilik va shaffoflik, o‘zaro ishonch va o‘z mijozlariga hurmat tamoyillarida, shuningdek texnologik imkoniyatlari va xodimlarining ko‘p yillik tajribasi tufayli qisqa muddat mobaynida Tojikistonning moliya bozorida mustahkam mavqeni egalladi. «Spitamen Bank» YoAJ Tojikiston Respublikasidagi xalqaro to‘lov tizimlarining printsipial va bevosita ishtirokchisi bo‘lgan yagona bank hisoblanadi.
Avvalroq UZCARD Tojikiston Respublikasidan UZCARD kartalariga Spitamen Pay ilovasi orqali pul o‘tkazmalari ishga tushilganligi to‘g‘risida xabar bergan edi.