Tez o‘zgarayotgan dunyomizda shaxsiy moliyani boshqarish shunchaki zaruriyat emas, balki moliyaviy xavfsizlik sari muhim qadam bo‘lib bormoqda. UZCARD kartalari bo‘yicha xabardor qilishning bir nechta kanallarini ulash bo‘yicha ko‘rsatmalarni taqdim etamiz.
E’tibor bering, siz faqat muqobil xabar kanallaridan birini tanlashingiz va undan foydalanishingiz mumkin, bir vaqtning o‘zida bir nechta kanallarni qo‘llash imkoniyati mavjud emas. Quyida mavjud variantlar keltirilgan: CardXabarBot va elektron pochta orqali bildirishnomalar.
CardXabarbot
Hozirgi kunda UZCARD karta egalarining qulayligi uchun «@CardXabarbot» nomli Telegram-bot mavjud bo‘lib, u orqali tranzaksiyalar haqida xabarnomalar va balans to‘g‘risidagi ma’lumotlarni olish mumkin.
Botni qanday ulash kerak?
-Qidiruv qatoriga @CardXabarbot deb yozing
-«Ishga tushirish» tugmasini bosing va taklif qilingan tillardan birini tanlang
-Oferta shartnomasi bilan tanishing (o‘qib chiqing)
-UZCARD bank kartalari va SMS-xabarnoma xizmati bog‘langan kontaktni yuboring
-Shundan so‘ng SMS xabar shaklida ro‘yxatdan o‘tish kodi yuboriladi
-«SMS xabar» ko‘rinishida olingan ro‘yxatdan o‘tish kodini tasdiqlash orqali siz oferta-shartnoma shartlarini qabul qilasiz, maxfiylik siyosatiga rozilik bildirasiz va shaxsiy ma’lumotlaringizni qayta ishlashga ruxsat berasiz
Telegram-botga ulanayotganda bildirishnomalarning quyidagi ikki turidan birini tanlash lozim:
– SMS va Telegram;
– Faqat Telegram.
-Keyin, taklif etilgan ro‘yxatdan botdan foydalanish uchun abonent to‘lovi yechib olinadigan kartani tanlash lozim.
Standart funksiyalardan tashqari (to‘lovlar haqida xabarnomalar va balans qoldig‘ini ko‘rsatish), bot tranzaksiyalarni kuzatish va yuklab olish uchun qo‘shimcha imkoniyatlarni ham taqdim etadi. Bu xizmatlarning narxi oyiga 1000 so‘mni tashkil etib, «Plum Technology» MCHJ tomonidan undiriladi.
Bot cheksiz miqdordagi bank kartalarini qo‘llab-quvvatlaydi, bu esa balansni 24/7 nazorat qilish imkonini beradi. Xizmatlarni O‘zbekistondan tashqarida ham qulay interfeys orqali boshqarish mumkin.
«@CardXabarbot» boti yordamida nafaqat kunlik va oylik to‘lovlarni kuzatib borish, balki ma’lum davr uchun ma’lumotlarni Excel formatida eksport qilish ham mumkin. Bu batafsilroq tahlil qilish, istalgan chekingizni ko‘rish va chop etish imkonini beradi.
CardXabar boti barcha UZCARD kartalarini kuzatib boradi. Bu sizga istalgan vaqtda har bir tranzaksiyani tekshirish va mablag‘laringiz holatidan doimo xabardor bo‘lish imkonini beradi.
E-mail xabarnomalarining yangi imkoniyati
Foydalanuvchilarimiz uchun yangi xizmatni ishga tushirganligimizni mamnuniyat bilan ma’lum qilamiz – endi to‘lov kartangiz bo‘yicha barcha operatsiyalar va mablag‘ harakatlari haqidagi xabarnomalarni elektron pochta orqali olishingiz mumkin. Bu qo‘shimcha xizmat mutlaqo bepul bo‘lib, sizga xabarnomalarni qulay boshqarish uchun ko‘proq imkoniyatlar beradi.
Bundan tashqari, endi xabarnomalarni olish usullarini SMS, Telegram-bot va elektron pochta o‘rtasida tanlash orqali birlashtirish imkoniyatiga egasiz. Shuningdek, tanlagan aloqa kanalingizdan qat’i nazar, xabarlarni o‘zingizga qulay tilda olish uchun xabarnomalar tilini sozlashingiz mumkin.
E-mail xabarnomalarini qanday faollashtirish mumkin?
- 4800 raqamiga «infoset» buyrug‘i bilan SMS-xabar yuboring.
- Javobida sizga xabardor qilish turlaridan birini tanlashni taklif etuvchi SMS keladi:
◦ 1 – SMS/CardXabar
◦ 2 – Email
- 1-variantni tanlasangiz, bildirishnomalar SMS va/yoki CardXabar orqali (botda ro‘yxatdan o‘tgan bo‘lsangiz) yuboriladi.
- 2-variantni tanlasangiz, bildirishnomalar olish uchun elektron pochta manzilingizni kiritishingiz so‘raladi.
- Pochta manzilingizni kiritganingizdan so‘ng, raqamingizga «Ko‘rsatilgan elektron pochtaga tasdiqlash havolasi yuborildi» matnli SMS keladi.
- Elektron pochtangizga kelgan havolani bosib, tasdiqlang.
- Tasdiqlashdan so‘ng, brauzer ekranida va SMS orqali elektron pochta muvaffaqiyatli o‘rnatilgani haqida xabar olasiz. Shuningdek, xabarlar «Spam» papkasiga tushishi mumkinligiga e’tibor bering.
Endi barcha bildirishnomalar siz tanlagan sozlamalarga muvofiq yuboriladi.