2022-yil 21-aprel, Toshkent, O‘zbekiston – O‘zbekiston Respublikasining asosiy milliy to‘lov operatori UZCARD va biznesni raqamlashtirish uchun yuqori texnologik yechimlarning yetakchi yetkazib beruvchisi «Innothex» KG «Startup Day» maxsus seminarini o‘tkazish rejalarini e’lon qildi.
Tadbir 28-aprel kuni «Startup Bridge» akseleratsiya dasturi doirasida bo‘lib o‘tadi. Vorkshopda Venchur studiyasi direktori Vitaliy Mzokov va Venchur studiyasining M&A yo‘nalishi direktori Aleksey Lukyanov ishtirok etadi. Ma’ruzachilar eng dolzarb mavzularni ko‘taradilar: startaplarni moliyaviy modellashtirish, unitar iqtisodiyot, innovatsion mahsulotlarni ishlab chiqish tamoyillari, shuningdek, strategik investitsiyalar yoki kompaniyalarni qo‘shib olish.
Akselerator ishtirokchilaridan tashqari, tashkilotchilar venchur kapital investitsiyalarini kengaytirish va jalb qilish maqsadida o‘z loyihasini ishlab chiqadigan uchinchi tomon startap jamoalarini taklif qilishadi. Seminar 28 aprel kuni soat 15:00 dan 17:00 gacha Toshkent sh., M.Ulugbek tumani, Mirzo Ulugbek ko‘ch.101 A-uyda bo‘lib o‘tadi. Roʻyxatdan oʻtish uchun havola orqali ariza qoldirish kerak. Ishtirok etish bepul, joylar soni cheklangan.
«Startup Day» 2022-yil mart oyida UZCARD va «Innotech» KG tomonidan ishga tushirilgan «Startup Bridge» qo‘shma akseleratsiya dasturi doirasida amalga oshirilmoqda. U eng yaxshi texnologik loyihalarni izlash va rivojlantirish, yosh tadbirkorlarni o‘qitish va qo‘llab-quvvatlash, shuningdek, o‘zbekistonlik startaplarning Rossiya moliya texnologiyalari bozoriga kirib kelishiga ko‘maklashishga qaratilgan.
Innotech kompaniyalar guruhi – bu zamonaviy yuqori texnologiyali, tez rivojlanayotgan IT-kompaniya. 2020-yildan boshlab biz biznesni raqamlashtirish uchun innovatsion yechimlarni ishlab chiqmoqdamiz. «Innothech» DK moliyaviy sektorning yetakchi kompaniyalari bilan hamkorlik aloqalarini o‘rnatadi, ularga front- va back-ofislar uchun kompleks yechimlar, zamonaviy fintech mahsulotlari, katta ma’lumotlar bilan ishlash tizimlarini taklif etadi. Bundan tashqari, «Innotex» KG har qanday murakkablikdagi texnologik loyihalarni buyurtma asosida bajaradi va o‘z mijozlariga raqamli transformatsiya yo‘lida yordam beradi. Kompaniya haqida batafsil ma’lumotni rasmiy veb-saytida topishingiz mumkin.
UZCARD – O‘zbekiston Respublikasining yetakchi milliy to‘lov operatori. Kompaniyaning asosiy maqsadi – milliy to‘lov biznesi sohasida doimiy ravishda izlanish, mahsulotlarni ishlab chiqish va takomillashtirish, zamonaviy xizmat ko‘rsatish xizmatini modernizatsiya qilish, Fintech sanoati sohasida xizmatlarni ko‘paytirishdir. Kompaniya haqida batafsil ma’lumotni rasmiy veb-saytida topishingiz mumkin .