Bank kartalarini tezkor rasmiylashtirish formati bozorda tobora mustahkam o‘rin egallamoqda: tobora ko‘proq banklar UZCARD Moment kartalarini chiqarishga ulanib, ushbu moliyaviy vositani mamlakatning turli hududlaridagi foydalanuvchilar uchun yanada qulay qilmoqda.
Bugungi kunda Moment kartalarini Hamkorbank, Xalq Banki, Mikrokreditbank, SQB, Agrobank, Universalbank, Davr Bank, BRB, Asia Alliance Bank, Trastbank va Madad Invest Bankda rasmiylashtirish mumkin. 2026-yil boshidan buyon ushbu format doirasida 453,1 mingta karta chiqarilgan bo‘lib, ularning 89 foizi faollashtirilgan.
Moment — bu oldindan chiqarilgan karta bo‘lib, uni tayyorlashni kutish talab etilmaydi: mijoz tayyor kartani oladi va uni bankning mobil ilovasi orqali bir necha daqiqa ichida faollashtiradi. Bunday model moliyaviy servislarga ulanish jarayonini soddalashtiradi hamda kartadan foydalanishni boshlash uchun zarur bo‘lgan amallar sonini kamaytiradi. Faollashtirilgan kartalar ulushining yuqoriligi foydalanuvchilarning mahsulotga amaliy qiziqishini tasdiqlaydi.
Yana bir qo‘shimcha afzallik — tarqatish formatining moslashuvchanligidir: kartalar nafaqat bank filiallarida, balki odamlar oqimi yuqori bo‘lgan boshqa nuqtalarda ham berilishi mumkin. Bu moliyaviy xizmatlarni foydalanuvchiga yaqinlashtirish va ularni kundalik hayotdagi odatiy jarayonlarga integratsiya qilish imkonini beradi.
Moment kartalarini chiqaruvchi banklar tarmog‘ining kengayishi bank xizmatlarini ko‘rsatishning yanada qulay va moslashuvchan formatlari rivojlanayotganini aks ettiradi. Bunday formatlarda tezlik, soddalik va foydalanuvchi uchun qulaylik asosiy omillarga aylanmoqda.
UZCARD. Qulay yashang.