Zamonaviy axborot-moliyaviy texnologiyalar sohasida innovatsion onlayn yechimlarni joriy etish bo‘yicha xalqaro amaliyotni o‘rganish maqsadida 2022-yil 9-martdan 11-martgacha «SAPTCO» (Saudiya Arabistoni) kompaniyasining IT direktori janob ABDUL AZIZ AL – ASMARI boshchiligidagi delegatsiyasi UZCARD kompaniyasiga amaliy tashrif bilan keldi.
«SAPTCO» vakillarining ishchi tashrifi UZCARD sho‘ba korxonasi bo‘lgan “ATTO” MChJ tomonidan O‘zbekistonda jamoat transportida naqd pulsiz ilg‘or to‘lov tizimlarini joriy etish sohasida tajriba almashish loyihasi doirasida bo‘lib o‘tdi. Mehmonlar transport ishini optimallashtirish, yo‘lovchilarga xizmat ko‘rsatish sifatini oshirish borasida amalga oshirilayotgan chora-tadbirlarning bugungi natijalari bilan tanishdilar. “ATTO” MChJ xodimlari yagona platformaga kiritilgan asosiy elektron modullar, Respublika hududlarida yo‘l haqini kontaktsiz to‘lash tizimini joriy etishning bugungi holati, shuningdek, boshqa transport turlari, jumladan, yo‘nalishli taksilar, elektr poyezdlar va shaharlararo transport vositalarini ATTO tizimiga ulash haqida batafsil so‘zlab berdilar. Shu bilan birga, mehmonlar metro bekatlariga tashrif buyurib, real vaqt rejimida validatorlardan foydalanishni kuzatish va onlayn to‘lovlar oqimini baholash imkoniyatiga ega bo‘ldilar.
Tashrif doirasida xorijlik mehmonlar O‘zbekiston Respublikasi Transport vazirligi, “Toshshahartransxizmat” AJ da ishchi uchrashuvlar o‘tkazdilar, ularda amalga oshirilayotgan islohotlarning joriy natijalari, shuningdek, ushbu sohani yaqin kelajakda rivojlantirish bo‘yicha asosiy vazifalar va istiqbolli rejalar bilan tanishdilar.
«SAPTCO» kompaniyalar konsortsiumi tomonidan to‘plangan tajriba keyinchalik Madina shahrida (Saudiya Arabistoni) amalga oshirishni rejalashtirmoqda.
O‘z navbatida, xorijiy delegatsiya a’zolari UZCARD faoliyatini yuqori baholadilar va bu boradagi ishonch bilan olib borilayotgan ishlar, bunday konstruktorlik yechimlardan foydalanish ilg‘or texnologiyalarni mamlakat fuqarolari uchun imkon qadar qulay qilish, kundalik hayotni sezilarli darajada osonlashtirish va qulaylik yaratish degan fikrni bildirdilar.
Uchrashuv yakunlari sarhisob qilinar ekan, tomonlar keyingi hamkorlikni yanada chuqurroq muhokama qilishni davom ettirishga kelishib oldilar.
Ma’lumotnoma
«SAPTCO» kompaniyasi (Saudi Arabia Public Transport Company) 1979-yilda Saudiya Arabistoni Qirolligida tashkil etilgan. Kompaniyaning ustav kapitali 300 million AQSh dollaridan ortiqni tashkil etadi. U birinchi milliy quruqlikda yuk tashuvchi kompaniya hisoblanadi va jamoat transportini boshqarish va ulardan foydalanish bo‘yicha dunyodagi yetakchi beshta kompaniya qatoriga kiradi.
SAPTCO avtoparki 3250 dan ortiq turli xildagi avtomobillardan iborat bo‘lib, u yerda 1997 nafar xodim mehnat qiladi. SAPTCO aholini Ar-Riyod, Makka-i Mukarrama, Madina, Jidda va Dammamning asosiy shaharlari ichida ish jadvali va trafik darajasiga ko‘ra farqlanuvchi tariflarga ega jamoat transporti bilan ta’minlaydi