UZCARD 25-26 may kunlari Toshkentda bo‘lib o‘tgan biznesni raqamlashtirish, bank va moliya texnologiyalari sohasida xalqaro hamkorlikni rivojlantirish masalalariga bag‘ishlangan «Banklar va riteyl. Raqamli transformatsiya va o‘zaro hamkorlik» 2-Xalqaro Uzbekiston 2022 PLASS-Forumida qatnashdi.
Forumda «YaUPM» MChJ strategik rivojlantirish bo‘yicha Bosh direktor o‘rinbosari Timur Azadov «Yagona avtomatlashtirilgan elektron chiptalar tizimi – naqd pulsiz madaniyatni oshirish drayveri» mavzusida ma’ruza qildi. U o‘z nutqida, UZCARD to‘lov tizimining uzoq muddatli yutuqlari va uning naqd pulsiz to‘lov tizimining asosi sifatida, turli xil avtomatlashtirish tizimlarini rivojlantirish va birlashtirish bo‘yicha keng ko‘lamli loyihalarda ishtirok etishi haqida gapirdi.
Shu tarzda UZCARD kompaniyasining sho‘ba korxonasi tomonidan amalga oshirilayotgan jamoat transportida naqd pulsiz to‘lov tizimini ishga tushirish loyihasi O‘zbekiston Respublikasida ilg‘or texnologiyalarni joriy etishda yutuq bo‘ldi. Axir, tranzaktsiyalarni qayta ishlash tezligi va riteylda xizmat ko‘rsatish nuqtai nazaridan jamoat transportida naqd pulsiz to‘lov usullarini amalga oshirish uchun eng muhim segment hisoblanadi.
«BPC Group» xalqaro xolding tarkibiga kiruvchi «O-City» kompaniyasi bilan birgalikda ABT (Account based ticketing) texnologiyasiga asoslangan, avtomatlashtirilgan elektron chiptalar tizimi uchun dasturiy-apparat kompleksi ishlab chiqildi. ABT-bu sayohat uchun to‘lovni amalga oshirishda transport kartalaridan ham, kontaktsiz bank kartalaridan ham foydalanishga imkon beruvchi, foydalanuvchining shaxsiy hisobvarag‘iga asoslangan jamoat transporti va mikroto‘lovlar uchun to‘lovning innovatsion tizimidir. Kontaktsiz to‘lovlar sohasidagi yetakchi mutaxassislar tomonidan ishlab chiqilgan ushbu tizimning barcha qulayliklarini hisobga olgan holda, transport kompaniyalarida ushbu tizimni joriy etishning xavfsizligi va to‘g‘ri sxemasini ishlab chiqishga alohida e’tibor qaratildi va inson omillarining ishtirok etish jarayoni minimallashtirildi.
Timur Azadov, forum mehmonlarini respublika poytaxtida, Urganch, Qarshi, Guliston shaharlarida transport qatnovini tubdan optimallashtirish, yo‘lovchilarga xizmat ko‘rsatish sifatini yaxshilash va tig‘iz soatlarda ijtimoiy keskinlikni kamaytirish imkonini bergan «ATTO»ning bugungi natijalari bilan tanishtirdi, shuningdek, kompaniyaning kelajakdagi rejalari bilan o‘rtoqlashdi. Shunday qilib, kompaniya avtomatlashtirilgan elektron chiptalar tizimi loyihasini O‘zbekiston Respublikasi hududi bo‘ylab kengaytirishni rejalashtirmoqda. Loyihaning kengayishi nafaqat geografiya nuqtai nazaridan, balki transportning yangi turlarini ham qamrab olishi kutilmoqda: bugungi kunda Transport vazirligi mutaxassislari bilan birgalikda, tizimni temir yo‘l yo‘lovchi tashish segmenti bilan birlashtirish masalasi ishlab chiqilmoqda. Bundan tashqari, havo, temir yo‘l va shaharlararo avtobus transporti segmentida elektron chiptalarni sotish bo‘yicha yagona portal ishlab chiqilmoqda.
So‘z yakunida ma’ruzachi uzoq tarixga ega bo‘lgan to‘lov tizimining operatori sifatida UZCARD naqd pulsiz to‘lovlarni yanada keng rivojlantirish va O‘zbekiston Respublikasi fuqarolarining hayotini farovon qiladigan zamonaviy avtomatlashtirilgan tizimlarni joriy etishga qaratilgan sa’y-harakatlarni davom ettirishini ta’kidladi.