2022-yil 11-mart, Toshkent, O‘zbekiston –UZCARD, O‘zbekiston Respublikasining milliy to‘lov operatori va biznesni raqamlashtirish uchun yuqori texnologik yechimlarning yetakchi yetkazib beruvchisi «Innotex» DK O‘zbekiston IT muhandislari uchun «DevOps, OpenShift va bu bilan qanday qilib fintechda yashash» birinchi bepul o‘quv kursi muvaffaqiyatli yakunlanganini e’lon qildi. 17-mart kuni «Qanday qilib IT sohasida karyerani boshlash mumkin» mavzusida maxsus konferensiya bo‘lib o‘tadi. Tadbirda UZCARD va Innotech kompaniyalar guruhi bosh direktorlari ishtirok etadilar.
UZCARD va Innotech kompaniyalar guruhi tomonidan tashkil etilgan “DevOps, OpenShift va u bilan fintechda qanday yashash kerak” nomli birinchi bepul ta’lim kursi muvaffaqiyatli yakunlandi. Trening to‘rt hafta davom etdi. Loyihada O‘zbekiston Respublikasidan 26 nafar IT- muhandis ishtirok etdi, ulardan 12 nafari kursni imtiyozli diplom bilan tamomladi. Talabalar tashkilotchi kompaniyalarning yetakchi o‘qituvchilari tomonidan ishlab chiqilgan sakkizta o‘quv modulini to‘liq o‘zlashtirib oldilar, hamda egallagan ko‘nikmalarini amaliyotda mustahkamladilar. O‘zini eng yaqqol ko‘rsatgan talabalar UZCARD’ga ishga taklif qilindilar.
Kurs natijalariga ko‘ra, Customer Satisfaction Index (CSI) ko‘rsatkichi bo‘yicha umumiy qoniqish 86% ni tashkil etdi. Talabalar o‘quv jarayonining yuqori darajada tashkil etilganligi, o‘quv modullarining ma’lumotliligi va uyga beriladigan topshiriqlarning qiziqarliligini alohida ta’kidladilar, bu esa mavzuni chuqurroq tushunishga yordam berdi.
IT sohasida karerani qanday boshlash kerak” konferensiyasi doirasida kompaniya vakillari dolzarb mavzularda chiqishlar va muhokamalar tashkil etishmoqda. Yetakchi mutaxassislar taqdimot qiladilar. Belgilangan mavzular orasida:
- ishlab chiquvchilarning roli va ularga O‘zbekiston bozoridagi talabgorlik;
- shaxsiy keys misolida, IT sohasida karerani qanday boshlash kerak;
- ilovani qanday qilib Prod-ga chiqarish mumkin;
- dasturchi uchun qog‘oz kundalik (Bullet Journal ish yuritish tizimi) nima uchun kerak?
Tadbr M.Ulugbek tumani, Mirzo Ulugbek ko‘chasi, 101 A manzilida bo‘lib o‘tadi. UZCARD fintech akselaratori saytida. Siz ham oflayn, ham onlayn formatlarda ishtirok etishingiz mumkin. Agar siz tadbirda shaxsan ishtirok etishni istasangiz, avval ro‘yxatdan o‘tishingiz va havola orqali qisqa shaklni to‘ldirishingiz kerak. Masofaviy tinglovchilar uchun havola orqali YouTube kanalida translyatsiya tashkil etiladi.
“Birinchi qoʻshma taʼlim loyihasining muvaffaqiyatli amalga oshirilishi, shubhasiz, boshqa mavzular boʻyicha ham ana shunday oʻquv dasturlarini amalga oshirishimiz uchun imkoniyatlar ochadi.
Yuqori texnologiyalar, raqamlashtirish va digitalizatsiya sohasidagi tendensiyalar «life-long learning» konsepsiyasi bo‘yicha uzluksiz ta’lim jarayoniga bo‘lgan ehtiyojni ko‘rsatmoqda. Yuqori texnologiyali IT-kompaniyalar hozir faqat fanni birinchi darajali darajada egallagan mutaxassislarni jalb qilmoqda. Va mening fikrimcha, amaliy tajriba asosida dasturlari ishlab chiqilgan va tayyorlangan qo‘shimcha kurslarsiz bunday darajaga erishib bo‘lmaydi. Biz mashg‘ulotlarni rejalashtirishda barcha muvaffaqiyatli yutuqlarni hisobga olishga harakat qildik. Shuning uchun biz kelajakda IT- muhandislarining kasbiy o‘sishiga ko‘maklashishda davom etamiz ”, — dedi Innotech kompaniyalar guruhi bosh direktori Igor Kalganov.
“Albatta, ta’lim loyihamizning keng ko‘lamli munosabati va muvaffaqiyatli amalga oshirilayotganidan mamnunmiz. IT mutaxassisi bo‘lish uchun siz o‘z malakangizni muntazam ravishda oshirishingiz kerak – bu ushbu faoliyat sohasida samarali ishlashning asosiy mezonlaridan biridir. Shuning uchun UZCARD Innotech kompaniyalar guruhi bilan birgalikda shunday kurslarni tashkil etadi, ularda har kim mutlaqo bepul qatnashishi mumkin. Ishonchim komilki, tez o‘zgarib borayotgan dunyomizda ta’lim qulay, sifatli va doimiy bo‘lishi kerak. Ishonch bilan ayta olamanki, “ DevOps, OpenShift va u bilan fintechda qanday yashash kursi”- bu hali boshlanishi”, — deya izoh berdi Uzcard bosh direktori Farrux Ziyaev.
Innotech kompaniyalar guruhi – bu zamonaviy yuqori texnologiyali, tez rivojlanayotgan IT-kompaniya. 2020-yildan boshlab biz biznesni raqamlashtirish uchun innovatsion yechimlarni ishlab chiqmoqdamiz. «Innothech» DK moliyaviy sektorning yetakchi kompaniyalari bilan hamkorlik aloqalarini o‘rnatadi, ularga front- va back-ofislar uchun kompleks yechimlar, zamonaviy fintech mahsulotlari, katta ma’lumotlar bilan ishlash tizimlarini taklif etadi. Bundan tashqari, «Innotex» KG har qanday murakkablikdagi texnologik loyihalarni buyurtma asosida bajaradi va o‘z mijozlariga raqamli transformatsiya yo‘lida yordam beradi. Kompaniya haqida batafsil ma’lumotni rasmiy veb-saytida topishingiz mumkin.
UZCARD – O‘zbekiston Respublikasining yetakchi milliy to‘lov operatori. Kompaniyaning asosiy maqsadi – milliy to‘lov biznesi sohasida doimiy ravishda izlanish, mahsulotlarni ishlab chiqish va takomillashtirish, zamonaviy xizmat ko‘rsatish xizmatini modernizatsiya qilish, Fintech sanoati sohasida xizmatlarni ko‘paytirishdir. Kompaniya haqida batafsil ma’lumotni rasmiy veb-saytida topishingiz mumkin.